Al Hilal është interesuar për situatën e Victor Osimhen dhe po shqyrton mundësinë e transferimit të sulmuesit nigerian nga Galatasaray. Klubi saudit ka kontaktuar palët për të përcaktuar kushtet e një transferimi të mundshëm. Nga ana e tij, Galatasaray nuk e përjashton largimin e sulmuesit dhe do të ishte i gatshëm ta linte të largohej për një shumë prej 65 milionë eurosh. Megjithatë, marrëveshja varet nga dëshira e vetë lojtarit. Tani, Al Hilal duhet të bindë Victor Osimhen që të pranojë kalimin në Arabinë Saudite. Al Hilal synon fillimisht të krijojë hapësirë ​​për Osimhenin. Për ta bërë të mundur këtë marrëveshje, Al Hilal po punon paralelisht për largimin e Karim Benzema. Klubi saudit dëshiron të largojë sulmuesin francez për të liruar një vend në skuadër dhe për t'i hapur rrugën mbërritjes së Victor Osimhen. Plani është i qartë: Benzema jashtë, Osimhen brenda ,me kusht që nigeriani të japë miratimin e tij. Pasi iu bashkua Galatasaray në mënyrë të përhershme pas periudhës së huazimit, Victor Osimhen mund të jetë tani protagonist i një tjetër lëvizjeje të madhe në tregun e transferimeve. Ditët në vijim do të jenë vendimtare për të përcaktuar nëse Al Hilal do të arrijë ta bindë sulmuesin që t'i bashkohet Saudi Pro League.