Ka shumë për të përmirësuar. Kemi treguar momente më të mira kundër Torinos dhe gjatë pjesës së dytë kundër Lazios, por kemi kaluar edhe periudha të vështira. Po krijojmë probleme për veten kur kemi topin. Na pret shumë punë përpara. Nuk po krijojmë shumë raste dhe nuk mund të lejojmë të pësojmë të parët sepse ekipi pastaj ç'organizohet dhe vuan mjaft. Kjo është padyshim fillimi i një procesi, por ne duhet të fitojmë ndeshjet dhe dështuam ta bënim këtë sonte. Nuk mund të ndryshojmë rezultatin, kështu që duhet të përqendrohemi te ndeshja e ardhshme. Kishim të njëjtin problem në pjesën e parë kundër Lazios,ne bëhemi jashtëzakonisht të shqetësuar kur pësojmë golin e parë. Duhet të qëndrojmë më të qetë, të ruajmë organizimin tonë dhe të tregojmë energji të ndryshme. Problemi është më i thellë se mungesa e energjisë. Ai ka të bëjë me organizimin tonë, cilësinë në zotërim të topit dhe kuptimin e momenteve të ndryshme brenda një ndeshjeje. Pas pësimit të golit, duhet të ruajmë topin në vend që të sulmojmë pa asnjë strukturë taktike. Ne humbim identitetin tonë sapo të pësojmë një gol. Ne e nisëm pjesën e dytë mirë, e shtyem Benfikën në zonën e saj të penalltive dhe krijuam një mundësi me anë të De Winter. Megjithatë, pësimi i golit të dytë kaq herët na goditi. Ai erdhi nga një tjetër tranzicion në të cilin vonuam shumë për të rimarrë topin. Nuk ishte debutimi evropian që dëshironim, por na presin më shumë ndeshje. Nuk mund të ndryshojmë rezultatin e sonte, por mund të ndryshojmë atë që ndodh në ndeshjen e ardhshme. Benfica dukej gjithnjë e më e rehatshme dhe e organizuar ndërsa ndeshja ecte. Ata shpesh na lejonin të kishim posedimin sepse besonin se kjo do të na shkaktonte më shumë probleme. Benfica ishte më e organizuar në atë që dëshironte nga loja, ndërsa ne dështuam të arrinim të njëjtën gjë. Dështuam të krijonim shumë raste ose të prishnim mbrojtjen e Benficas përmes vrapimeve pas shpinës, lëvizjes apo lirisë me topin. Si pasojë, prodhuam shumë pak dhe Benfica gjithmonë dukej e rehatshme, veçanërisht sepse shënoi në momentet vendimtare. Benfica ishte skuadra më e mirë. Unë jam gjithmonë i shqetësuar edhe pasi dështojmë të fitojmë një ndeshje apo fitojmë duke luajtur keq. Duhet ta kuptojmë që ky është futbolli, që jemi në fillim të një procesi dhe që duhet të punojmë për të fituar ndeshjet. Ne tashmë e kuptojmë presionin që rrethon klube të tilla, kështu që nuk është asgjë e re për mua dhe e konsideroj normale. Ne qartë duhet të përmirësohemi, dhe duhet të fitojmë ndeshjen tonë të ardhshme.