Duke komentuar paraqitjen e Milanit kundër Lazios, një rikthim nga 2-0 në 2-2 pas një pjese të parë vërtet të dobët dhe një të dytë shumë të bukur, Alessandro Bocci, gazetar i Corriere della Sera, i ka bërë një kritikë trajnerit Ruben Amorim duke u bazuar edhe në deklaratat e tij para ndeshjes në Olimpico në konferencën për shtyp. KRITIKA E BOCCIT PËR AMORIMIN Kritika e gazetarit Alessandro Bocci ndaj Amorimit: Njëzet minuta të zjarrta në fillim të pjesës së dytë janë të mjaftueshme për Milanin për të shmangur humbjen e parë, por jo për të fshirë dyshimet. Amorim, në prag të udhëtimit në Romë, ia ka marrë me ata që kritikojnë Djallin dhe rrjedhimisht punën e tij. Një reagim i gabuar. Në vend që të shqetësohet për zhurmën e armiqve, duke kujtuar Mourinhon, do të ishte mirë të përqendrohej te mangësitë e mëdha të skuadrës së tij që gabon totalisht në qasje dhe i dhuron pjesën e parë Lazios.