Sot u takova me drejtuesit e klubit dhe trajnerin. Ishte një bisedë shumë pozitive, gjatë së cilës arritëm të shkëmbenim mendime dhe të flisnim hapur për atë që ndodhi pas ndeshjes së së martës. Të gjithë e dinë se jam një person shumë pasionant dhe se e përjetoj futbollin me shumë intensitet. Frustrimi nga humbja më bëri të shpreh atë që ndieja në një moment dhe në një vend që ndoshta nuk ishin të përshtatshëm, dhe për këtë dua të kërkoj falje. Klubi ynë është në formën e tij më të mirë kur jemi të gjithë të bashkuar dhe e pranoj se fjalët e mia në atë moment nuk ndihmuan për ta arritur këtë. E di se çdo person i vetëm te Manchester United po bën gjithçka që është e mundur për të arritur ambicien tonë të përbashkët, t’i sjellim klubit dhe tifozëve të tij suksesin që meritojnë. Tani që kjo situatë është lënë pas nesh, jemi plotësisht të përqendruar që të fitojmë së bashku.