Franco Baresi është përshëndetur për herë të fundit nga bota e futbollit. Kapiteni legjendar i Milanit, i ndarë nga jeta katër ditë më parë, la pas një boshllëk të madh në zemrat e tifozëve kuqezi. Ceremonia mortore u zhvillua në bazilikën e Sant’Ambrogio në Milano, e njëjta kishë ku vite më parë u mbajt edhe funerali i një tjetër figure të madhe milaniste, Cesare Maldini. Mbi 3 mijë persona u mblodhën jashtë bazilikës për t’i dhënë lamtumirën e fundit një prej simboleve më të mëdha në historinë e Milanit. 12:21 – Mbi 3000 persona të pranishëm Sipas raportimeve, më shumë se 3000 tifozë morën pjesë jashtë bazilikës së Sant’Ambrogio për nder të Franco Baresit. 12:18 – Duartrokitje për Pulisic dhe Gimenez Christian Pulisic dhe Santiago Gimenez kaluan mes tifozëve për t’u larguar nga zona e Sant’Ambrogio. Të dy sulmuesit morën duartrokitje, ndërsa po rikuperohen nga dëmtimet e pësuara gjatë Botërorit. 12:14 – Fishkëllima për Gerry Cardinale edhe në dalje Gerry Cardinale u prit me fishkëllima edhe në momentin e daljes nga kisha. Tifozët brohoritën: “Cardinale go home”. Edhe në mbërritje, Cardinale dhe presidenti i Milanit Paolo Scaroni ishin pritur me pakënaqësi nga tifozët. 12:11 – Përfundon ceremonia mortore Funerali i Kapitenit përfundoi. Të pranishmit dolën nga bazilika mes duartrokitjeve të mëdha për Ariedo Braida. 12:10 – Arkivoli largohet nga Sant’Ambrogio Me këngën e tifozëve: “Da quand’ero piccolino, m’innamorai di te” u mbyll dera e makinës mortore ku ndodhej Franco Baresi. 12:06 – “Do të jesh gjithmonë me ne” Curva Sud dhe tifozët e pranishëm kënduan: “Sarai sempre con noi” – “Do të jesh gjithmonë me ne” Ndërkohë u valëvitën flamujt legjendarë me numrin 6, numri i Baresit. 12:01 – Korret e tifozëve për Kapitenin Në daljen e arkivolit u dëgjuan: “Franco ale, Franco Baresi” “C’è solo un Capitano” – “Është vetëm një Kapiten” “Sei per sempre Franco Baresi” – “Je përgjithmonë Franco Baresi” Gruaja e tij, Maura, u shoqërua nga ish-lojtari i Milanit Daniele Massaro. 11:59 – Ish-shokët mbajnë arkivolin Arkivoli i Baresit u mbajt në krahë nga: Demetrio Albertini Massimo Ambrosini Alessandro Costacurta Alberico Evani Marco Simone Pietro Paolo Virdis 11:47 – Fanella e Milanit dhe e Italisë mbi arkivol Mbi arkivolin e Franco Baresit u vendos fanella me numrin 6 e Milanit, e sjellë nga Paolo Maldini dhe Mauro Tassotti. Gjithashtu u vendos edhe fanella e kombëtares italiane. 11:34 – Fjalët prekëse gjatë homelisë Abati i Sant’Ambrogio, monsinjor Faccendini, tha: “Franco ishte një kampion. Lideri në fushë dhe jashtë saj e bëri Kapiten. Për t’u bërë kampion i vërtetë nuk mjafton talenti, por duhen karakteri dhe vlerat.” Ai kujtoi edhe origjinën modeste të Baresit dhe mënyrën se si ai arriti majën duke mbetur gjithmonë një njeri i thjeshtë. 11:16 – Leximi i parë nga Beppe Bergomi Leximi i parë gjatë ceremonisë iu besua Giuseppe Bergomi, rival i madh në derbi, por mbi të gjitha mik i Franco Baresit. 11:08 – Legjendat e Milanit mbajnë arkivolin Arkivoli u transportua brenda bazilikës nga: Marco van Basten Roberto Donadoni Filippo Galli Giovanni Galli Daniele Massaro Angelo Colombo Pas tyre qëndronin Maldini dhe Tassotti. 11:03 – “You'll Never Walk Alone” në Milano Para hyrjes së arkivolit në bazilikë, Curva Sud këndoi këngën ikonike: “You'll Never Walk Alone” Një moment shumë emocionues për të gjithë të pranishmit. 10:57 – Mbërrin arkivoli: “C’è solo un Capitano” Kur arkivoli mbërriti në Sant’Ambrogio, tifozët shpërthyen në kor: “C’è solo un Capitano” dhe: “Sei per sempre Franco Baresi” 10:45 – Roberto Baggio i pranishëm në ceremoni Mes duartrokitjeve të tifozëve hyri në bazilikë edhe Roberto Baggio. Ai ishte shok skuadre me Baresin në kombëtare dhe te Milani gjatë sezonit 1995/96, kur kuqezinjtë fituan titullin e 15-të kampion. 10:36 – Fishkëllima për Cardinale dhe Scaroni Mbërritja e Gerry Cardinale dhe Paolo Scaroni u shoqërua me fishkëllima nga tifozët e pranishëm. 10:34 – Dida: “Kemi mësuar shumë prej tij” Nelson Dida tha: “Ishte një ditë e trishtuar. E dinim çfarë njeriu dhe çfarë lojtari ishte. Ishte një baba i madh dhe ne që e kemi njohur kemi mësuar shumë prej tij.” 09:47 – Mesazhi i Curva Sud Curva Sud shpalosi një banderolë prekëse: “Franco Baresi: legjendë e pavdekshme, flamur i paarritshëm që nuk do të ndalojë kurrë së valëvituri. Lamtumirë Kapiten.” 09:57 – Ruben Amorim: “Askush nuk e quan Baresi, ai është Franco” Trajneri Ruben Amorim foli nga Perth për legjendën kuqezi: “Askush nuk e quan Baresi, ai është Franco. Kjo tregon diçka. Askush nuk flet për Champions League-t apo titujt që fitoi, të gjithë kujtojnë një gjë: kur Milani ra në Serie B, ai nuk na la.” Amorim theksoi se trashëgimia më e madhe e Baresit nuk janë trofetë, por karakteri dhe përkushtimi ndaj skuadrës. Një lamtumirë madhështore për një prej simboleve më të mëdha të historisë së Milanit: Franco Baresi, Kapiteni me “C” të madhe.