Rasmus Hojlund, sulmues i Napolit, ka dhënë një intervistë për La Gazzetta dello Sport, duke përmendur Milanin në dy përgjigje. Afër Milanit? "Në të vërtetë jo. Kam folur me klubin dhe po kërkoja një mundës, Milani ka një histori të madhe, por kur dëgjova që Napoli më donte dhe Conte më telefonoi, nuk pata asnjë dyshim". Rreth Manchester United dhe Amorimit: "Te Manchester United nuk mendoj se diçka specifike shkoi keq. Arrita në një klub që pati një sezon të vështirë, me shumë lëndime, por ne fituam FA Cup dhe unë isha golashënuesi më i mirë. Pastaj kaluam një moment të vështirë dhe erdhi Amorim, një trajner i shkëlqyer por me një stil loje të ndryshëm. Skuadra u detyrua të përshtatej dhe ishte e komplikuar. Ne të gjithë kemi vuajtur. Viti im i parë ishte një sukses, i dyti jo. Por kam luajtur në finalen e Europa League, nëse do të kishim fituar do të ishte një histori tjetër. Kështu është futbolli,herë shkon mirë, herë keq, por jam shumë i lumtur që kam luajtur për klubin që ëndërroja kur isha fëmijë." Parashikimi i Serie A 2026/27: "Interi është ende favorit për titullin, por ka shumë skuadra që duken shumë të forta këtë vit, si Roma e Gasparinit. Ne duhet të përmirësohemi dhe të mos i vendosim shumë presion vetes. Për Napolin është një sezon i ri, me një trajner të ri,duam të luftojmë në çdo kompeticion dhe të shohim se ku mund të arrijmë. Në shkurt-mars duam të jemi ende në garë në Champions dhe Kupën e Italisë dhe ndër pozicionet e para në Serie A. Inter-Napoli është një ndeshje për Scudetto, një ndeshje e rëndësishme për tifozët. Lautaro është një lojtar special, i qëndrueshëm me kalimin e kohës, vazhdon të shënojë gola pa pësuar asnjë rënie. Është një lojtar shumë inteligjent, një lider për Interin, për të cilin është kapiten. Mund të flas vetëm mirë për të. Është një lojtar i madh, ashtu si Malen"