Rafael Leao ishte një nga lojtarët më të pritur në sfidën ndaj Interit, për shkak të zërave të shumtë për të ardhmen e tij. Portugezi u aktivizua në 30 minutat e fundit dhe la përshtypje pozitive me paraqitjen e tij. Sulmuesi kuqezi është vlerësuar me notën 6: “Në pritje për të kuptuar të ardhmen e tij, e tashmja na tregon se edhe mes shumë pasimeve të gabuara, është gjithmonë ai që di të krijojë shkëndija interesante”. Leao tregoi altruizëm në një aksion ku tentoi të nxirrte në gol Nkunkun pas kombinimit me Ramos, ndërsa lëvizi si në krah ashtu edhe në qendër të fushës, me rezultate të ndryshme. Një paraqitje që jep sinjale pozitive në një moment kur e ardhmja e tij te Milani mbetet ende në qendër të vëmendjes.