Franco Mastantuono, një nga talentet më të mëdha të brezit të ri të zbuluar nga skautët e Real Madridit, pritet të vazhdojë zhvillimin e tij në Itali. Sulmuesi anësor argjentinas 18-vjeçar u transferua te “Los Blancos” nga River Plate për 45 milionë euro, me klubin madrilen që kishte pritshmëri të mëdha për të. Fillimi i tij në Madrid ishte premtues, por me kalimin e muajve hapësirat në skuadër u reduktuan. Edhe dëmtimet ndikuan negativisht në progresin e Mastantuonos, duke kufizuar numrin e paraqitjeve të tij. Pas një sezoni të parë jo bindës, drejtuesit e Real Madridit kanë vendosur ta huazojnë lojtarin për t’i dhënë më shumë minuta dhe mundësi zhvillimi. Vetë Mastantuono preferonte një rikthim te River Plate, por klubi madrilen kërkonte që ai të qëndronte në Europë. Në fund, zgjedhja ka qenë Fiorentina. Sipas Fabrizio Romanos, të dy klubet kanë arritur marrëveshjen për një huazim njëvjeçar pa opsion blerjeje.