Milan po kërkon të forcojë pozicionin e mbrojtësit të djathtë dhe për këtë arsye po konsideron rikthimin e Zachary Athekame gjashtë muaj më herët. Duke marrë parasysh mungesat afatgjata të Samuel Chukwueze dhe Alexis Saelemaekers, si dhe kalimin në sistemin me katër mbrojtës, Milani po konsideron rikthimin e Zachary Athekame gjashtë muaj para kohe,ai u huazua me të drejtë blerjeje te Lyon në verë. Lojtari zviceran ka performuar shumë mirë deri tani për skuadrën franceze, e cila, megjithatë, sapo ka ndryshuar trajnerin (Paulo Fonseca kërkoi largimin për t'u bashkuar me Sporting Lisbonën), dhe kështu ky zhvillim mund të ndikojë në të ardhmen e tij. Për të ndërprerë huazimin, megjithatë, Rossoneri mund të kenë nevojë të arrijnë një marrëveshje financiare me Lyonin. Në javët e fundit, Athekame kishte shpjeguar se qëllimi i tij është të kthehet te Milani: Unë e shoh sezonin tim të parë me Milanin në mënyrë pozitive. Më pëlqeu, ishte një ligë e re, më taktike. Pastaj erdhi ndryshimi në stol,bisedova me trajnerin e ri dhe vendosa të ndryshoj ekipin. Vërtet e shijova kohën time në Milano, unë jam lojtar i Milanit. Tani jam te Lyon, por do të doja të kthehesha.