I intervistuar nga CBS Sports Golazo pas fishkëllimës së fundit të derbit, të cilin Milani e fitoi 3-1 ndaj Interit, Luka Modric tha: Një fitore e jashtëzakonshme, një paraqitje e jashtëzakonshme që nga minuta e parë. Mendoj se ky ishte ndoshta ndeshja jonë më e mirë e sezonit. Në përgjithësi, e meritonim fitoren dhe jemi me të vërtetë të lumtur pas rezultatit zhgënjyes në mesjavë ndaj Bolognës. Si u rikthyet pas humbjes ndaj Bolognës? Duhet të qëndrosh pozitiv. Nuk mund të mbetesh shumë i zënë me ndeshjen e fundit sepse e di që e ardhshmja është shumë afër. Është një ndeshje e rëndësishme dhe nuk ka mundësi më të mirë për t'u testuar kundër Interit, dhe pikërisht këtë bëmë. Fatkeqësisht, nëse duam të arrijmë diçka të rëndësishme, nuk mund të përballojmë të humbasim ndeshje si ajo ndaj Bolognës. Si po përparon zhvillimi yt? Po rritemi si ekip,ka ide të reja në lojën tonë. Do të ketë ulje-ngritje herë pas here, por duhet të përpiqemi t'i minimizojmë uljet nëse duam të fitojmë tituj. Çfarë mendimi keni për atmosferën në San Siro? Ishte e jashtëzakonshme. Që kur kam ardhur këtu, atmosfera ka qenë gjithmonë fantastike, në çdo ndeshje, por veçanërisht në ndeshje si derbit. Sonte, që nga nxehja, tifozët ishin të jashtëzakonshëm, dhe një atmosferë e tillë të ndihmon të fitosh edhe më shumë. Pas zhgënjimit të moskualifikimit për Ligën e Kampionëve sezonin e kaluar, vendosët të qëndroni te Milani. Pse? Jam i lumtur te Milani,ndihem i dashur dhe i vlerësuar këtu. Bisedova me klubin dhe trajnerin e ri, dhe doja të qëndroja sepse jam i lumtur këtu, e dua lojën dhe po kënaqem. Kam qëndruar për të ndihmuar ekipin dhe lojtarët më të rinj të zhvillohen.