Milani barazoi 1-1 ndaj Interit në derbin e zhvilluar në Perth. Pas golit të Federico Dimarcos për zikaltërit, kuqezinjtë reaguan me Christopher Nkunku, i cili realizoi nga pika e bardhë dhe vendosi rezultatin përfundimtar. Ja si u vlerësuan lojtarët e Milanit: Lorenzo Torriani – 6.5 Një nga më të mirët në fushë. Shpëtoi Milanin me dy pritje vendimtare ndaj Lavellit dhe Calhanoglut, duke mbajtur ekipin në lojë. Fikayo Tomori – 5 Fajtor në golin e Dimarcos, ku humbi plotësisht kontrollin e situatës. Edhe pjesa tjetër e ndeshjes nuk ishte bindëse, duke konfirmuar pasiguritë e tij. Matteo Gabbia – 6 Menaxhoi mirë vijën mbrojtëse dhe u tregua i kujdesshëm në momentet më të vështira. Strahinja Pavlović – 6 Më i përqendruar se në ndeshjen e kaluar dhe solid në duelet mbrojtëse. Samuel Chukwueze – 5 Filloi mirë me një asist të mundshëm për Camardën, por gaboi rëndë në rastin e golit të Interit, duke humbur Dimarcon. Një paraqitje zhgënjyese. Yunus Musah – 5.5 Goditi shtyllën në rastin më të mirë të Milanit në pjesën e parë, por nuk pati ndikimin e pritur. Youssouf Fofana – 6 Rikuperoi shumë topa dhe ndihmoi ekipin në fazën e parë të ndeshjes, megjithëse ra në ritëm pas pushimit. Davide Bartesaghi – 6 Disiplinë taktike dhe kontribut i mirë në krahun e majtë. Ruben Loftus-Cheek – 6 Shumë aktiv në pjesën e parë, fitoi duele dhe krijoi raste për shokët, duke treguar një formë dukshëm më të mirë. Alpha Djalo Cissè – 5.5 Humbi një mundësi të mirë për shënim, por tregoi personalitet duke marrë pjesë në ndërtimin e lojës. Francesco Camarda – 5.5 Lëvizi mirë pa top dhe krijoi hapësira për shokët, por nuk arriti të bëhej i rrezikshëm para portës. Zëvendësuesit Pervis Estupiñán – 6: Ndërhyrje vendimtare në mbrojtje dhe paraqitje solide. Christopher Nkunku – 6.5: Fitoi dhe shndërroi penalltinë e barazimit, duke lënë përshtypje shumë pozitive. Luka Modrić – 6.5: Me hyrjen e tij Milani fitoi qetësi dhe kontroll në mesfushë. Drejtoi ritmin e lojës dhe ishte protagonist në aksionin që solli penalltinë. Ardon Jashari – 6: U përshtat mirë në rolin e organizatorit dhe shpërndau disa pasime të sakta. Rafael Leão – 6: Edhe pse jo gjithçka i funksionoi, krijoi rrezik me shpërthimet e tij dhe ishte pranë një asisti për Nkunkun. Gonçalo Ramos – 6: Lëvizje inteligjente dhe kontribut i mirë në ndërtimin e sulmeve. Filippo Terracciano – 6: Më i sigurt në mbrojtje pas hyrjes në fushë. Koni De Winter – 6: I vendosur në duele dhe pa probleme të mëdha. Vladimirov – 6: Përmbushi detyrat e tij në repartin defensiv. Trajneri Ruben Amorim – 6 Milani ndryshoi fytyrë në pjesën e dytë falë hyrjes së titullarëve. Skuadra tregoi përmirësim në qarkullimin e topit dhe krijoi më shumë raste, por mbeten ende shumë aspekte për t'u përmirësuar, ndërsa merkatoja mund t'i japë trajnerit përforcimet e nevojshme.