Jam i lumtur që jam rikthyer dhe që kam parë idetë e trajnerit. Jam gjithashtu i lumtur që kam biseduar me shefin. U ndjeva rehat në fushë, edhe në këtë rol, të cilin e kisha luajtur tashmë nën drejtimin e De Zerbit te Marseja. Është një pozicion që e njoh mirë. Më pëlqen të bëj vrapime në zonë dhe të sulmoj portën. Kupa e Botës së Klubeve ishte një përvojë e shkëlqyer,nuk arrin çdo vit në gjysmëfinale apo finale. Sigurisht që donim të fitonim, por nuk ishte e mundur. Më pas shkova në pushime për t'u rikuperuar mendërisht dhe fizikisht pas një fundi të vështirë të sezonit me Milanin. Adrien Rabiot foli për Sky Sport rreth polemikës që lidhej me ditët shtesë pushimi: U ktheva me shumë dëshirë. Pas Kupës së Botës së Klubeve, i kërkuam trajnerit disa ditë shtesë dhe ai na dha katër. Nuk e kuptoj polemikën, por kështu është në Itali. Adrien Rabiot foli për Sky Sport rreth performancës së tij kundër Torinos: Jam i lumtur që u futa sot. Kuptova çfarë do trajneri dhe çfarë pret nga unë. Jam i kënaqur me golin, asistin dhe fitoren. Adrien Rabiot foli për Sky Sport rreth lojës si mesfushor sulmues: Jam më afër portës dhe mund të hyj në zonë menjëherë. Ne duam të kemi më shumë zotërim se kundërshtarët tanë këtë sezon, kështu që duhet të jetë më e lehtë të krijojmë raste dhe të shënojmë gola.