Luca Serafini, gazetar, u shpreh kështu në MilanCommunityTV duke komentuar fitoren e Milanit ndaj Genoas: Një koment të veçantë e meriton ky medioker, ky arbitër shumë modest që është zoti Massa. Ndeshja Genoa-Milan përfundoi me shtatë të verdhë dhe katër të përjashtuar. Pesë të verdhë për Milanin dhe tre të përjashtuar nga stoli, dy të verdhë për Genoa dhe një i përjashtuar nga stoli. Përveç pabarazisë në kartonët e verdhë, sepse Milani dhe Gjenovi kanë bërë faulle të njëjta, por shumë prej tyre Massa nuk i pa dhe shumë të tjera i ndëshkoi, disa prej tyre me dorë të hekurt. E rëndë protesta e Rabiot në fillim të pjesës së dytë. Rabiot nuk duhet të bjerë në këto kurthe, sepse ai ishte nisur në një kundërsulm krejtësisht i vetëm drejt gjysmës së fushës së Gjenoves, Mercandalli e ka rrëzuar disa centimetra para mesfushës, zoti Massa e ka vetëm kartonuar lojtarin e Genoas i cili ishte i pari i ndeshjes, i fundit do të kartonohet në minutën e nëntëdhjetë dhe kështu kanë lindur protestat që çuan në kartonin e verdhë për Rabiot-in dhe në përjashtimin e tre personave nga stoli i rezervave, madje edhe mjekun social, doktor Mazzoni. Kjo për të thënë se si mund të falsifikohet, si mund të zhvendoset inercia e një ndeshjeje, si mund të kontaminohet. Një ndeshje që ishte në thelb e pastër, energjike, me agresivitet sportiv, por jo aq sa të justifikonte këtë stuhinë e kartonëve, shtatë të verdhë e katër të kuq, domethënë sikur të ishte ndeshja Argjentinë-Uruguaji.