Ndeshja që hapi javën e 11-të të Serie A mes Venezia-s së Nicola-s dhe Udinese-s së Zanetti-t sapo ka përfunduar me rezultatin 2-1. Basic dhe Kike Perez shënuan për skuadrën vendase, ndërsa një autogol i Moreno-s nuk mjaftoi për mysafirët. Me këtë humbje, Udinese mbeten me 5 pikë në renditje, duke pësuar humbjen e tetë në kampionat këtë sezon. Kështu, Bianconeri dështuan të merrnin asnjë pikë, duke zbritur në fund të renditjes. Pas ndeshjes, Paolo Zanetti foli për Sky Sport dhe DAZN: Trajneri i Bianconerëve filloi duke thënë: Nuk mund të bësh mrekulli në dy ditë,kjo është e qartë. Nga ana psikologjike, duhet të bëjmë hapa përpara,duhet të rrisim ritmin e lojës. Ishim shumë të relaksuar në presing, dhe madje edhe kur ktheheshim mbrapa, mesfushorët nuk po jepnin 100 për qind. Besoj se ky ekip ka ende mundësinë të ketë një sezon të shkëlqyer; ka shumë ekipe që po vuajnë në këtë moment, madje edhe më të forta se ne. Të jesh në fund të tabelës tani është mirë për ne dhe na jep një mësim përulësie. Vitin e kaluar ky ekip mbledhi 50 pikë dhe tani e gjen veten në fund,duhet të punojmë në çdo detaj. Kam besim të plotë te këta lojtarë,ata nuk duhet të kenë frikë, por duhet të kujtojnë se kush janë dhe të rigjejnë lojtarët që ishin dikur. Pesëmbëdhjetë prej tyre do të jenë larg për detyrat ndërkombëtare, por ne do të punojmë fort mëngjes e pasdite, pa pushim, me ata që mbeten. Duhet të përmirësojmë shumë aspekte, veçanërisht kur nuk e kemi topin. Duhet të luajmë një futboll më dinamik, dhe është e qartë që kjo është një problem për ne. Së fundi, Zanetti përfundoi duke folur për Davis: Ai ka nevojë për ndihmë me mbështetjen e ekipit,sot zhvilloi një paraqitje të mirë pavarësisht disa ditëve vështirësish fizike. E dimë që ai është një djalë me cilësi të shkëlqyera, por është i brishtë si xhami.