Alan Redmond, Zëvendëspresident Ekzekutiv dhe Drejtor Global i Futbollit në Roc Nation Sports International, ka folur për të ardhmen e Endrick. Në ditët e fundit, emri i Endrick, sulmuesit të Real Madridit të lindur në 2006, është lidhur vazhdimisht me Milanin, i cili kishte provuar ta transferonte edhe verën e kaluar, por u refuzua nga Blancos dhe José Mourinho, i cili bllokoi largimin e tij. Pavarësisht kësaj, braziliani i cili ndodhet gjithashtu në radarin e Romës në Itali po merr shumë pak minuta loje (nuk u aktivizua fare në ndeshjen e mbrëmshme kundër Villarrealit) dhe, nëse gjërat nuk ndryshojnë gjatë dy muajve të ardhshëm, me shumë gjasa ai do të kërkojë të largohet në janar për të siguruar minuta të rregullta loje. Alan Redmond, nënkryetar ekzekutiv dhe Drejtor Global i Futbollit në Roc Nation Sports International agjencia që përfaqëson interesat e Endrick foli për Adnkronos rreth sulmuesit brazilian: Në rastin e Endrick, ai gjithmonë ka thënë se dëshiron të qëndrojë te Real Madrid dhe jam i bindur se këtë sezon, kur të ketë mundësinë, do të shënojë shumë gola. Mund të konfirmoj se ka pasur shumë interes për të gjatë verës, nga vende të ndryshme, por qëllimi i tij kurrë nuk ka qenë të largohet nga Spanja. Aspekti financiar nuk është i rëndësishëm, lojtari vlerëson projektin e klubit. Po flasim për një lojtar me cilësinë për të qëndruar te Real,atij i duhen vetëm mundësitë. Endrick sapo ishte kthyer nga huazimi i tij te Lyon dhe luajti shumë mirë në Francë, më pas pati disa probleme, dhe mendoj se ishte gjithashtu mjaft frustruese për të që të mos ishte në formën më të mirë fizike. Megjithatë, plani ka qenë gjithmonë të qëndrojë në Madrid. Do të shohim çfarë do të ndodhë në të ardhmen,sinqerisht, mendoj se ai do të qëndrojë te Reali për një kohë të gjatë. Ky është opinioni im. Thashethemet për Milanin dhe Romën? Nuk mendoj se ai do të largohet. Klubet e përmendura janë fantastike, por nuk mendoj se ai do të shkojë të luajë diku tjetër.