Ne nuk kishim shumë kohë për të stërvitur, por ndryshuam mënyrën tonë të lojës dhe lidhjet midis zonave të ndryshme të ekipit. Jam shumë krenar , por tashmë po mendoj për Bolognën. Do të shohim kush mbijeton dhe është në gjendje të luajë. Bartesaghi ka shumë shpejtësi. Mëson më shumë për lojtarët tuaj gjatë stërvitjes. Para se të arrija unë, mendoja se ai ishte më shumë me mendje mbrojtëse, por në të vërtetë kjo është një zonë në të cilën ai ende duhet të improvizojë. Sot, ai shfrytëzoi mirë cilësitë e tij. Jam shumë i kënaqur për të. Kur fus një lojtar të pa përvojë në një ndeshje, është përgjegjësia ime. Ai ka treguar se është një zgjedhje për ne këtë sezon. Unë u shpjegova lojtarëve atë që mendova pas ndeshjes me Bournemouth. Kjo ishte e vetmja gjë që mund të bëja sepse gjatë stërvitjes, nuk mund të kalojmë shumë kohë duke folur, duhet të punojmë. Ata luajnë për Milan, kështu që lojtarët nuk duhet të kenë nevojë për ndonjë motivim shtesë. Ata duhet të jenë gjithmonë gati. Ne duhet të vazhdojmë të përmirsohemi si ekip. Gjatë kësaj periudhe, ne gjithashtu duhet të mësojmë më shumë për njëri-tjetrin. Çdo minutë do të na ndihmojë të rikthehemi.