Ardon Jashari, mesfushori i Milanit, u intervistua në SkySport pas ndeshjes Udinese-Milan, e cila përfundoi 0-2 në favor të Rossonerëve. Duket sikur je lojtari klasik që përmirësohet duke luajtur rregullisht… Do të thoja që është patjetër kështu. Jo vetëm për mua personalisht, por mendoj se të gjithë mund ta shohin dhe ta vlerësojnë sa shumë po zhvillohem. Me më shumë minuta lojë, ndihem shumë më i sigurt, shokët e skuadrës gjithashtu po më besojnë gjithnjë e më shumë, dhe unë jam vërtet i kënaqur për këtë. Por gjëja më e rëndësishme, natyrisht, është fitorja,ky është hapi i parë në drejtimin e duhur. Beni një bashkëpunim të shkëlqyer me Modriçin sot… Ndjehem saktësisht njësoj. Ka një mirëkuptim të shkëlqyer mes nesh,kuptohemi menjëherë. Kur ai lëviz në një pozicion të caktuar, unë shkoj ta mbuloj, dhe anasjelltas. Sigurisht, nuk është se duhet t'i mësoj Lukës çfarë të bëjë në fushë… Gjithsesi, edhe kur jam unë ai që lëviz, ai gjithmonë di si të më mbulojë shpinën. Më pëlqeu shumë të luaja pranë tij sonte. Gjithsesi, ne tashmë kishim bërë një paraqitje brilante së bashku vitin e kaluar kundër Comos, kështu që jam shumë i lumtur, është fantastike të luash me të. Sa nga filozofia taktike e trajnerit Amorim e keni përvetësuar tashmë dhe e keni bërë tuajën? Trajneri ka qenë thelbësor për mua që nga dita e parë që u emërua trajner i Milanit. Që nga thirrja jonë e parë në telefon, ai më tregoi se më njihte përmbi si lojtar. Pastaj, hap pas hapi, ai më ka dhënë gjithnjë e më shumë besim, dhe dua t'i shpërblej duke dhënë gjithçka në fushë dhe duke luajtur në mënyrë të qëndrueshme edhe pse ai e di tashmë këtë. Mendoj se do të jetë i kënaqur me atë që kam bërë sonte, por siç thashë, kjo është vetëm fillimi dhe vetëm një pjesë e vogël e asaj që jam me të vërtetë në gjendje të bëj.