Ka lajme të mira në lidhje me gjendjen e Vincent Kompany, megjithatë ai nuk do të jetë në stol për ndeshjen e Bundesligës si mysafirë ndaj Freiburgut. Trajneri u sëmur ndërsa po ndiqte stërvitjen e ekipit rezervë të bavarezëve dhe u dërgua menjëherë në spital, ku po trajtohet aktualisht. Drejtori sportiv Max Eberl i qetësoi të gjithë në një konferencë për shtyp: Lajmi i mirë është se ai është në gjendje të qëndrueshme,do t'i duhet të qëndrojë në spital edhe për disa ditë dhe mendoj se do të na duhen javë për t'u rikuperuar plotësisht, por nuk është koha për të dhënë një afat të saktë. Ai është në duart më të mira të mundshme. KOMENTET E EBERL Edhe para ndeshjes së Ligës së Kampionëve kundër Arsenalit, trajneri ndihej keq, gjë që e bëri të mungonte në stërvitje dhe në konferencën për shtyp, por më pas u rikthye në fushë si zakonisht: Ai gjithmonë dëshiron të jetë aty, por nuk i dëgjoi sinjalet e trupit të tij," tha Eberl. Ndoshta duhej ta ndalonim më herët, por para ndeshjes me Arsenalin ai kishte thënë se ndihej mirë dhe, edhe pse ishte e vështirë ta bënim, ndoshta gabuam që nuk e detyruam të ndalonte. Tani nuk do të nxitohet për rikthimin e tij në stol: Ai jep gjithçka për punën e tij, por shëndeti gjithmonë vjen i pari. Gjatë viteve, ai ka ndërtuar një staf trajnerësh fantastik në të cilin kemi besim të plotë, ai do të ketë gjithë kohën që i duhet për t'u rikuperuar. Rënia e Kompanyt erdhi si një tronditje e madhe për të gjithë kampin e Bayernit dhe la lojtarët e ekipit rezervë veçanërisht të tronditur, pasi ata po stërviteshin pikërisht në momentin që belgiani humbi ndjenjat. Për këtë arsye, klubi kërkoi dhe siguroi shtyrjen e ndeshjes së sotme, e cila ishte planifikuar për të shtunën