Sergio Conceiçao, ish-trajneri i Milanit, ka folur kështu për DAZN Portugal për aventurën e tij në stolën kuqezi që zgjati vetëm disa muaj dhe për trajnerin e ri të Milanit, Ruben Amorim: Tek Milan kam qëndruar gjashtë muaj, gjatë të cilëve gjërat nuk shkuan, nuk do të thoja, shumë mirë, por arritëm të fitonim një Superkupë dhe të shkonim në finalen e Kupës së Italisë. Amorim tha pak kohë më parë se Milani ka fituar dy kampionate në njëzet vjet dhe është e vërtetë. Një ose dy kupa, prej të cilave një është e imja, në gjashtë muaj. Dhe më pas u pa se trajneri nuk ishte problemi i vetëm. Sigurisht që pata pjesën time të fajit dhe nuk dua t'i shmang përgjegjësive të mia, por u pa që më pas Allegri dhe drejtuesit… u larguan të gjithë. Amorim? Dua t'i uroj Rubenit shumë fat në këtë rrugëtim të ri që nuk është aspak i lehtë, veçanërisht për kontekstin e klubit. Presioni që ekziston atje… njerëzit mendojnë se duhet të jenë kampionë të Evropës çdo vit dhe të fitojnë kampionatin.