Emri i Mario Gilës qarkullonte prej disa muajsh tashmë në ambientet drejtuese të Milanit. Interesimi për mbrojtësin datonte që nga sezoni i kaluar, kur në strukturën e *Rossonerëve* bënin ende pjesë Tare si drejtor sportiv dhe Allegri në krye të skuadrës. Pas largimit të administratës së mëparshme, ekipi i ri drejtues shfrytëzoi rastin për të realizuar një afrim kyç në mbrojtje, duke e marrë spanjollin nga Lazio për një shumë që i afrohej 30 milionë eurove. Spanjolli është bërë një vlerë e sigurt për ligën tonë, pasi është afirmuar në sezonet e fundit si një nga lojtarët më të mirë në pozicionin e tij në Serie A. Gila mishëron në mënyrë të përsosur profilin e mbrojtësit modern: agresiv në rifitimin e topit, jashtëzakonisht i gjithanshëm dhe me vizion të mirë loje kur e ka topin në këmbë. Këto janë cilësi thelbësore për të mbështetur filozofinë e lojës që synon trajneri i ri portugez. Me vendosjen e spanjollit në qendër të mbrojtjes, Milani ka bërë një hap të rëndësishëm cilësor përpara. Vetë prania e tij në fushë u jep siguri dhe qëndrueshmëri të gjithë ekipit. Përtej aftësive mbrojtëse, një nga pikat e tij më të forta mbetet gjithanshmëria e madhe,siç u demonstrua qartë në ndeshjen kundër Leçes, ai u zhvendos në krah për të luajtur si mbrojtës i djathtë gjatë lojës, duke i mundësuar kështu Chukwueze të përqendronte të gjithë energjinë e tij te faza sulmuese.