Alessandro Matri, ish-futbollist dhe aktualisht opinionist, u shpreh kështu për Dazn mbi pozicionin në fushë të Luka Modric te Milani i Amorimit: Nuk e bëj çështje moshe apo cilësish fizike, por karakteristikash,Modric nuk na ka mësuar kurrë me vrapime të gjata mbrapa ose në hapësira të hapura. As me sistemin e lojës nuk ka praktikuar kurrë një presing kaq të lartë. Edhe vetë Real Madrid nuk ka luajtur kurrë në këtë mënyrë, duke preferuar të nisë kundërsulmin,për këtë arsye ai arrinte të menaxhonte veten, duke qëndruar shumë pranë fazës mbrojtëse për t'i dhënë cilësi momentit të sulmit. Ai nuk ka qenë kurrë play-maker që del në presingun e parë dhe nuk e di sa i përshtatshëm është për këtë lloj futbolli". DYSHJA MODRIC-JASHARI ?! Mbesin dyshime në mesfushë në prag të sfidës së nesërme pasdite kundër Lazios. Dyshja kryesore ka të bëjë me Ardon Jasharin dhe Luka Modričin, me kroatin që mund të lirohet nga stërvitja në kuadër të menaxhimit të energjive, veçanërisht në prag të debutimit në Europa League të mërkurën në San Siro kundër Benficas. Jashari, nga ana tjetër, po bën presion për të nisur si titullar dhe mund të luajë krah Yunus Musah, i cili tashmë është i pandashëm, duke u konsideruar thelbësor për ekuilibrin, intensitetin dhe punën në prishjen e lojës së kundërshtarit. Vendimi përfundimtar do të varet edhe një herë nga vlerësimet e Ruben Amorim në orët e fundit para ndeshjes.