Vështirësitë e Rossonerëve në sulm vazhdojnë të ndihen. Edhe në ndeshjen në shtëpi kundër Bolognës, sulmuesi qendror portugez Gonçalo Ramos dështoi të gjejë rrjetën, duke mbetur sërish pa gola. I transferuar për 74 milionë euro gjatë merkatos së verës së kaluar, ish-lojtari i PSG-së zhvilloi një tjetër paraqitje të dobët në San Siro, ku u mbulua ngushtë nga mbrojtësi i Bolognës, Casale. Sipas asaj që raporton *Corriere della Sera*, ndjesia është se sulmuesi po largohet gjithnjë e më shumë nga plani i lojës i përcaktuar nga Rúben Amorim, në vend që të integrohet në mënyrë efektive. Rënia e Ramosit dhe shpjegimet e Amorimit Gazeta milaneze thekson vështirësitë me të cilat përballet sulmuesi portugez, i cili dukej i përjashtuar dhe i izoluar nga pjesa tjetër e ekipit. Investimi i rëndësishëm financiar i bërë gjatë verës kërkon një ndryshim të menjëhershëm të ritmit, por për momentin Ramos po has vështirësi për të gjetur kiminë e duhur me shokët e skuadrës. Duke komentuar humbjen në shtëpi, trajneri i Milanit shpjegoi çfarë shkoi keq, duke theksuar lodhjen e përgjithshme brenda skuadrës. Kemi luajtur disa ndeshje ku kemi qenë të paqëndrueshëm gjatë të 90 minutave për një sërë arsyesh. Tani, ajo që ndjeva që nga minuta e parë ishte mungesa e energjisë dhe qartësisë në mënyrën se si e trajtonim topin. Edhe kur ishim në avantazh, kisha ndjesinë se ekipi nuk ishte i njëjti. Kjo është ndjesia që pata sot,ndjeva se ishim pak të lodhur. Kur them të lodhur, dua të them që nuk po mendojmë në të njëjtën mënyrë, nuk po luajmë në të njëjtën mënyrë. E ndjeva që nga minuta e parë,në pjesën e dytë pësuam dy gola shumë shpejt, kështu që nuk patëm as kohë të përshtatemi me barazimin. Ne u gjetëm prapa brenda dy minutash,së pari po fitonim, pastaj po humbnim ndeshjen. Kemi pasur një mundësi të shkëlqyer me Camardën për të kthyer ecurinë dhe për të barazuar, por nuk ndjeva kurrë që ekipi të ishte i qetë që nga fillimi, as në pjesën e parë.