Ruben Amorim ka nisur të marrë vendime të qarta për të ardhmen e skuadrës së Milanit. Pas rreth një muaji pune me ekipin, trajneri portugez ka identifikuar lojtarët që nuk i përshtaten ideve të tij taktike dhe tashmë fokusi i klubit është te largimet. Sipas raportimeve të Sky Sport, në Milanello është përcaktuar një shortlistë e parë e lojtarëve që mund të largohen. Në të bëjnë pjesë Odogu, Fikayo Tomori, Youssouf Fofana dhe, në mënyrë surprizuese, Christopher Nkunku. Emri i francezit është ai që bie më shumë në sy. Nkunku iu bashkua Milanit vetëm një vit më parë për rreth 37 milionë euro, por nuk ka arritur të gjejë vazhdimësi në paraqitjet e tij. Gjatë verës, Amorim e aktivizoi në disa raste, por gjithmonë duke e nisur nga stoli. Ai realizoi një gol nga pika e bardhë e penalltisë në miqësoren ndaj Interit, por kjo nuk ka mjaftuar për të bindur trajnerin. Tashmë Nkunku është vendosur në listën e lojtarëve që Milani mund të nxjerrë në merkato, vetëm një vit pas transferimit të tij. Ndërkohë, Tomori dhe Fofana ishin ndër emrat që pritej të përfundonin jashtë planeve të Amorim, ndërsa Odogu gjithashtu nuk duket se bën pjesë në projektin e trajnerit portugez. Në orbitën e largimeve ka edhe emra të tjerë. Sipas Sky, Filippo Terracciano, Pervis Estupiñán dhe Santiago Giménez mund të jenë gjithashtu në shitje, megjithëse për ta situata është ende për t'u përcaktuar. Vizita e Gerry Cardinale në Milanello, ku pronari i Milanit u takua me Amorim dhe drejtuesit e klubit, vjen pikërisht në një moment kur kuqezinjtë duhet të gjejnë zgjidhje për lojtarët që nuk janë pjesë e projektit teknik. Lista e parë e largimeve është tashmë në tavolinë: Odogu, Tomori, Fofana dhe Nkunku. Për francezin, vendimi për ta nxjerrë në merkato është surpriza më e madhe.