Milan është gati të rikthehet në janar për Gonçalo Inacio, mbrojtësin e lindur në 2001 të Sporting Lisbonës, të cilin kuqezinjtë e kanë ndjekur prej kohësh edhe gjatë merkatos së fundit verore. Në 48 orët e fundit të merkatos, kuqezinjtë ishin një hap larg ta sillnin në Milanello, klubi portugez kishte pranuar 40 milionë eurot e ofruara nga Djalli, por më pas bllokoi largimin e kapitenit të tij pasi nuk gjeti një zëvendësues të denjë. Në janar Milani do të ofrojë të njëjtën shifër, me shpresën që këtë herë Sporting Lisbona të veprojë me kohë për të gjetur një mbrojtës tjetër dhe të japë miratimin përfundimtar për largimin e Gonçalo Inacios. Ruben Amorim prej kohësh është një adhurues i madh i tij dhe pasi e hodhi në ekipin e parë kur ishte trajner i skuadrës së bardhë e të gjelbër, tani e dëshiron në skuadër edhe te kuqezinjtë.