Edicioni i sotëm i *Il Giornale* këtë mëngjes mban titullin e mëposhtëm: Milan, një dush i ftohtë përpara derbit". Me tre ditë para përballjes me Interin, Rossoneri humbën mbrëmë në shtëpi 4-2 nga Bologna, duke pësuar humbjen e tyre të parë të sezonit. Dy golat e Alphadjo Cisse-s në pjesën e parë nuk i mjaftuan Rossonerëve,në pjesën e dytë, skuadra e Ruben Amorim pësoi një kolaps të papritur, si mendërisht ashtu edhe fizikisht, duke i lejuar skuadrës nga Emilia të përmbysë rezultatin. Kjo ishte komenti i trajnerit portugez mbrëmë në konferencën për shtyp: Kemi luajtur disa ndeshje ku kemi qenë të paqëndrueshëm gjatë të gjithë 90 minutave për arsye të ndryshme. Tani, ajo që ndjeva që nga minuta e parë ishte mungesa e energjisë dhe qartësisë në mënyrën se si e trajtonim topin. Edhe kur ishim në avantazh, ndjeja se ekipi nuk ishte i njëjti. Kjo është ndjesia që pata sot,ndjeva se ishim pak të lodhur. Kur them të lodhur, dua të them që nuk po mendojmë në të njëjtën mënyrë, nuk po luajmë në të njëjtën mënyrë. E ndjeva që nga minuta e parë,në pjesën e dytë pësuam dy gola shumë shpejt, kështu që nuk patëm as kohë të përshtatemi me barazimin. Ne u gjetëm në disavantazh brenda dy minutash,së pari po fitonim, pastaj po humbnim ndeshjen. Kemi pasur një rast të shkëlqyer me Camardën për të kthyer ecurinë dhe për të barazuar, por nuk ndjeva kurrë që ekipi të ishte i qetë që nga fillimi, as në pjesën e parë.